Hesab edirəm ki, Azərbaycan Silahlı Qüvvələri ilə toqquşmalar zamanı yüksək rütbəli hərbçilərin “hərəkətsizliyi” hökuməti devirmək məqsədi daşıyırdı.

Paralel.az xəbər verir ki, bunu Ermənistanın baş naziri Nikol Paşinyan deyib.

“Həm 44 günlük müharibənin, həm də 2021-ci ilin may hadisələrinin bir çox təfərrüatları və epizodları “qeyri-müəyyən şübhələrə” yol açır. Uzun müddət müharibənin sonuna qədər hərbçilərin düşünülmüş hər hansı hərəkətindən şübhələnməyə imkan vermədim. Amma sonra bu barədə düşünməyə başladım. Üstəlik, Sotk (Zod) - Xoznəvar bölməsində baş verən hadisələrdən sonra qəsdən hərəkətsizlik versiyası daha da gücləndi. Baxın, hadisə var, cinayət işi var, təqsirləndirilən şəxs var, amma izahat yoxdur”, - o bildirib.