Dostlar, kəlamlar içində elə kəlamlar var ki, insanın həyatına mayak kimi işıq salır, ömür yollarını işıqlandırır. Bəşərin təfəkkür zirvəsindən gələn bu kəlamlardan seçmələri diqqətinizə çatdırmaq istəyirəm.

-Siz insanların balıq yeməyini istəyirsinizsə, onlara balıq verməyin, balıq tutmağı öyrədin... (İsa Peyğəmbər)
-İnsanın böyüklüyü onun bağışladığı günahların böyüklüyü ilə ölçülür... (Məhəmməd Peyğəmbər)

-Aşağıdan axan çaylar və insanlar böyük olur;
-Yüz dəfə qaranlığı söyməkdənsə, bir dənə şam yandırmaq yaxşıdır... (Konfutsi)

-Arzular, ümidlər ayıq adamın yuxularıdır... (Platon)
-Aydın danışmaq, aydın yazmaq üçün aydın düşünmək lazımdır... (Aristotel)

-Həyatda qalib gəlmək üçün insana 3 şey lazımdır: 1-ci pul, 2-ci pul və 3-cü pul. (Napoleon Bonapart)
-Həyatda iki yolla ucalmaq olar: öz üzərində işləməklə və başqalarını alçaltmaqla... (Fridrix Nitşe)

-Təklif vermədən tənqid etmək ən böyük ədəbsizlikdir...
-Tənqid edə bilmədiyin adamı tərif etmək ən böyük şərəfsizlikdir... (Karl Marks)

-İnsanın qul kimi doğulması onun günahı deyil, amma onun qul kimi yaşaması, azadlıq uğrunda mübarizə aparmaması onun cinayətidir... (Lenin)
-Hakimiyyəti yalnız daimi qorxu ilə saxlamaq olmaz, daimi yalan da lazımdır... (Stalin)

-Özünün müstəqil, demokratik cumhuriyyətini quran və qoruyan xalqa millət deyilir...
-Hər kəsin polisi onun vicdanıdır, polis vicdanı olmayanların qarşısındadır... (Atatürk)

Hazırladı: Qalib Arif