Rusiyadan hədə: Bu, Paşinyan üçün ölümcül ola bilər

Rusiyadan hədə: Bu, Paşinyan üçün ölümcül ola bilər
 

Baş nazir Nikol Paşinyanın ölkəni KTMT-dən çıxarmaq qərarı Ermənistana və onun dövlətçiliyinə ölümcül təsir göstərə bilər, bunu ona bütün kanallarla çatdırmaq lazımdır.

Paralel.az xəbər verir ki, bu sözləri hərbi analitik, “Milli Müdafiə” jurnalının baş redaktoru İqor Korotçenko TASS-a müsahibəsində deyib.

“Aydındır ki, Paşinyanın qərarı qismən eqoist, qismən də son dörd ildə baş verənlərə situativ xarakterli əsəbi reaksiyadır, lakin ən çox narahatedici fakt Ermənistan cəmiyyətində antirusiya meyillərinin artmasıdır. Ölkənin hakim elitası - Paşinyan tərəfdarları - Qərbin mövqeyində dayanır. Bu faktdan çıxış etmək lazımdır”, - Korotçenko bildirib.

O qeyd edib ki, hələlik hadisələrin gələcək inkişafının ehtimal olunan ssenarisi təəssüf ki, mənfidir:

“Lakin Paşinyanla işləmək və qarşılıqlı əlaqə yaratmaq, onu müxtəlif kanallar vasitəsilə düşünmək və inandırmaq üçün hələ də imkan pəncərəsi varsa, bundan istifadə etmək lazımdır. Ona başa salınmalıdır ki, gələcəkdə Ermənistan və onun dövlətçiliyi üçün çox ağır nəticələrə gətirib çıxara biləcək ölümcül hərbi-siyasi qərarlar qəbul etməsin”.

Korotçenko əlavə edib ki, KTMT-nin Ermənistan rəsmilərinin son bəyanatlarına reaksiyası təmkinli olaraq qalır:

“Xüsusən də nəzərə almalıyıq ki, ABŞ və Fransa Ermənistanı bu təşkilatdan çıxmağa sövq edir. Paris artıq tam şəkildə Ermənistanın hərtərəfli hava hücumundan müdafiə sistemini yaratmağı öhdəsinə götürüb”.

Eyni zamanda, ekspertin fikrincə, Ermənistan Rusiya ilə iqtisadi əməkdaşlığı kəsmək fikrində deyil, çünki bu, ölkə iqtisadiyyatına, xüsusən də antirusiya sanksiyaları kontekstində görünməmiş bonuslar gətirir.

 

0.014293909072876