Paralel.az xəbər verir ki, “Joxovurd” qəzeti Ermənistan-Türkiyə münasibətlərinin normallaşmasını tikanlı məftillərin və hərbiləşdirilmiş sərhədlərin sökülməsini də nəzərdə tutduğunu yazıb: “Biz Ermənistanın Şirak bölgəsindən daim siqnallar alırıq ki, əgər Ermənistan-Türkiyə münasibətlərinin normallaşdırılması məsələsində hər şey qaydasında getsə, o zaman 102-ci hərbi bazanın yaxın gələcəkdə Gümrüdən çıxarılması mümkündür. Çünki bu, sadəcə olaraq lazım olmayacaq.
2010-cu ildə Ermənistan-Rusiya müştərək qoşunları haqqında saziş çərçivəsində imzalanan protokolda Gümrüdə yerləşən Rusiya hərbi bazasının 2044-cü ilə qədər orada qalmaq hüququ var. Bu mövzuda bölgənin qubernatoru Nazeli Bağdasaryanla söhbət etdik və o, 2010-cu ilin sənədini xatırladaraq, bizi Müdafiə Nazirliyinə müraciət etməyə çağırdı.
Qeyd edək ki, Rusiyanın o zamankı prezidenti Dmitri Medvedevin imzaladığı protokola əsasən, nəinki bazanın yerləşdirilmə tarixi müəyyən edilmişdi, həm də Rusiya tərəfi Ermənistanın hərbi təhlükəsizliyini birgə təmin etməyə və Ermənistana dəstək verməyə söz vermişdi”.
Nigar