Tanınmış aparıcı İlkin Həsəni ilə influenser Ayselin ayrıldığı iddia olunur.

Publika.az xəbər verir ki, cütlüyün instaqramda bir-birini izləməməsi sosial şəbəkədə söz-söhbətə səbəb olub. Həmçinin Ayselin instaqramda hekayə bölümündə paylaşımları diqqət çəkib.

"Mən sənin fərqindəyəm, Aysel. Son zamanlarda duyduğum ən gözəl cümləsən sən... Özümə bu cümləni qurmadığım çox uzun zaman olub. Amma sevirəm bu qızı. Bütün səhvləri və düzləri ilə...", - Aysel paylaşımında qeyd edib.

Daha sonra Ayselin avtomobildə yol gedərkən və Ayaz Babayevin "Yasaq" mahnısın; dinləyərkən çəkdiyi video marağa səbəb olub. Belə ki, mahnıda "məni unut, sənə dönməyəcəm, yaxın gəlmə daha" kimi sözlər istifadə edilib.

Qeyd edək ki, cütlüyün keçən il ayrılıq xəbəri yayılsa, daha sonra barışdıları məlum olmuşdu.