Ukraynadakı müharibənin taleyini bu seçki həll edəcək - Olland
ABŞ-də keçiriləcək seçkiləri Ukraynadakı müharibənin nəticəsini müəyyən edəcək.
“Paralel.az ” xəbər verir ki, bunu Fransanın sabiq prezidenti Fransua Olland “Financial Times” qəzetinə müsahibəsində deyib.
Onun sözlərinə görə, Ukraynadakı müharibənin nəticəsi gələn il ABŞ-də keçiriləcək prezident seçkilərinin nəticəsindən asılı olacaq.
“Əgər Donald Tramp seçilərsə, deyəcək ki, biz burada dayanırıq. Ruslar isə sahib olduqları əraziləri özləri üçün saxlaya bilərlər”, - Olland qeyd edib.
O eyni zamanda əlavə edib ki, bu müharibə “çox baha başa gəldi”.
Fransanın eks-prezidenti hesab edir ki, Avropa təhlükəsizliyi təmin etmək üçün özünə güvənməli olduğu günə hazırlaşmalıdır.
“Bu da NATO ilə əlaqəli olmalıdır. Bu o demək deyil ki, Avropa ölkələri ABŞ-nin hədəflərini bölüşmürlər. Avropalı müttəfiqlərimizə ABŞ ilə eyni maraqlarımızın olmadığını desək, ən azı sülh baxımından müttəfiqlərimiz bizi düzgün anlaya bilməyəcək”, - o deyib.
Mürtəza
Paralel.az