Mərkəzi Bank valyuta ehtiyatlarını açıqlayıb
Mərkəzi Bankın 2022-ci ilin fevral ayının 28-nə rəsmi valyuta ehtiyatlarının həcmi 7 milyard 158 milyon ABŞ dolları olub.
Paralel.az xəbər verir ki, bu barədə Mərkəzi Bankdan (AMB) məlumat verilib.
AMB-nin rəsmi valyuta ehtiyatlarının həcmi aylıq müqayisədə 1,2 faiz, ötən ilin eyni dövrü ilə müqayisədə isə 12,4 faiz artıb.
Qeyd edək ki, 2021-ci ilin fevral ayının sonuna Mərkəzi Bankın rəsmi valyuta ehtiyatlarının həcmi 6 milyard 367,6 milyon ABŞ dolları, 2022-ci ilin yanvar ayının sonuna isə 7 milyard 72,7 milyon ABŞ dolları olub.