ABŞ müdafiə naziri Lloyd Ostin bu səhər gözlənilmədən Kiyevə elan olunmamış səfərə gəlib.

Paralel.az xəbər verir ki, "The Wall Street Journal" amerikalı nazirin Ukraynaya yeni hərbi yardım və ya Rusiyaya qarşı uzaqmənzilli raketlərdən istifadəyə icazə verilməsi ilə bağlı heç bir açıqlama vermədən Kiyevə getməsini müəmalı səfər adlandırıb.

Verilən xəbərə görə, nazir Ostin Kiyevdə Ukrayna prezidenti Volodimir Zelenski və müdafiə naziri Rustem Umerov ilə Ukraynanın silah ehtiyaclarını və gələn il ABŞ-nin dəstəyini müzakirə edəcək.

Bu, Ostinin prezident Co Baydenin hakimiyyəti dövründə Pentaqon rəhbəri kimi Ukraynaya dördüncü və ehtimal olunan son səfəridir.