Dünyada bahalaşan qiymətlər və qeyri-sabit valyuta məzənnələri fonunda turistlər üçün səyahət getdikcə bahalaşır. Buna baxmayaraq, Avropada hələ də büdcə ilə ziyarət etmək üçün çoxlu heyrətamiz yerlər var.

"Eurail" xidməti turistlərə beynəlxalq qatar biletləri təklif edən 2024-cü ildə Avropanın ən ucuz 10 şəhərinin siyahısını hazırlayıb.

Reytinqdə bir turistə düşən orta gündəlik xərcin 36,49 avro olduğu Bolqarıstanın paytaxtı Sofiya başçılıq edir. Eyni zamanda, şəhər qonaqlara bəzi pulsuz xidmətlər verir - yerli rəsm qalereyasına pulsuz girişdən məşhur Banya Başı bulaqlarından pulsuz isti mineral suya qədər.

Siyahıda ikinci yeri səyahətçilərin gündə orta hesabla 38,67 avro xərclədiyi Rumıniyanın paytaxtı Buxarest, üçüncü yeri isə gündəlik turist xərcləri 43,48 avro olmaqla iki şəhər - Polşanın Krakov və Macarıstanın paytaxtı Budapeşt bölüşdürüb. 

2024-cü ildə Avropanın ən ucuz 10 şəhəri:

1. Sofiya, Bolqarıstan (€36,49).
2. Buxarest, Rumıniya (€38,67).
3. Krakov, Polşa (€43,48).
4. Budapeşt, Macarıstan (€43,48).
5. Sarayevo, Bosniya və Herseqovina (€45,67).
6. Belqrad, Serbiya (€46,62).
7. Zaqreb, Xorvatiya (51,41 avro).
8. Varşava, Polşa (€52,3).
9. Bratislava, Slovakiya (56,51 avro).
10. Çeski Krumlov, Çexiya (€69,99).