ABŞ-ın keçmiş müdafiə naziri Mark Esper İsrailə İrandakı nüvə obyektlərinə hücumların mümkün mənfi nəticələri barədə xəbərdarlıq edib.

Paralel.az xəbər verir ki, onun sözlərindən CNN sitat gətirib.

Zabit İranın İsrailin nüvə obyektlərinə potensial hücumunu “əhəmiyyətli zərbə” hesab edib, lakin risklərin adekvat qiymətləndirilməsinə çağırıb.

"Əgər onlar hərbi imkanları sarsıtmaq istəyirlərsə və siz nüvə obyektləri kimi strateji obyektlərə baxsanız, təbii ki, təhlükə odur ki, siz ərazinin dərinliyinə getməli olacaqsınız və pilotu itirmək riski var.”, - Esper bildirib.

ABŞ Müdafiə Nazirliyinin keçmiş rəhbəri daha bir riski mülki əhali arasında potensial itkilər adlandırıb ki, bu da iranlıların hazırkı hökumət ətrafında birləşməsinə səbəb ola bilər. Esper hesab edir ki, bu, mənfi bir hadisə olacaq, çünki İranda hökumət indi guya “kövrəkdir” və çoxları bundan həqiqətən də narazıdır.

Öz növbəsində ABŞ Prezidenti Co Bayden də İranın nüvə obyektlərinə hücumu bəyənmədiyini bəyan edib. Ağ Ev rəhbəri oktyabrın 4-də bildirib ki, İsrail hakimiyyəti İranda mümkün hədəflər barədə hələ qərar qəbul etməyib.