"Azərbaycanın xarici işlər naziri türkiyəli həmkarı ilə görüşmək üçün bu gün Ankaraya səfər edib. Rəsmi açıqlamaya görə, görüşdə Ermənistan-Azərbaycan və Ermənistan-Türkiyə münasibətləri ilə bağlı mövzular müzakirə olunacaq".

Paralel.az xəbər verir ki, Ermənistan parlamentinin müxalifətçi deputatı  Tiqran Abramyan öz sosial media şəbəkəsində yazır.

“Bir neçə gün əvvəl Rusiya prezidentinin səfəri zamanı Bakıda Ermənistan-Azərbaycan məsələsi ikitərəfli müzakirə obyektinə çevrildi.

Nə baş verir ki, Ermənistanla bağlı əsasən də  xarici siyasət məsələləri təkcə Ermənistandan kənarda deyil, Ermənistanın iştirakı olmadan müzakirə olunur. 

Xarici aktorlar, ölkələr gündəmlər, prioritetlər müəyyən edir və indiki vəziyyətdə Ermənistan hakimiyyətinin gördüyü yeganə şey cəmiyyəti süni hərəkətlərlə, TikTok materialları ilə əhatə edib, əsas məsələlərdən təcrid etməkdir”,- Abramyan qeyd edib.