Xalq artisti Elzanı dəstəklədi: "Olmaz, ayıbdır, pis gündərdir, son qoyulmalıdır"

Xalq artisti Elzanı dəstəklədi:
 

"Bu, biabırçılıqdır. Görün yazıq uşağı hansı vəziyyətə salıblar".
 
Bunu Qaynarinfo-ya açıqlamasında Xalq artisti Təranə Muradova qız uşaqlarının "Tərəkəmə" rəqsinə oğlan kimi oynamasını nümayiş etdirən görüntüdən danışarkən deyib. 

Təranə Muradova görüntüdən şok olduğunu əlavə edib:

"Bu nədir? Uşaqdır, onun gələcəyi var. Nəyə görə bəzi dəllarlar Azərbaycan mədəniyyətini xalqımıza bu gündə təqdim edirlər? Olmaz, bu, uşaqdır, onun gələcəyi var. Elza xanım düz deyir. Bu havanı Əminə Dilbazi, Afaq Məlikova, Roza Cəlilova kimi rəqqasələrimiz oynayıb. Baxın, görün onlar bu rəqsi necə ifa edib. Kaş ki qız uşağı bu rəqsi oğlan kimi oynamazdı. Qız belə rəqs edə bilməz. İfa özü də çox nöqsanlıdır, pis gündədir. Qızlar oğlan, oğlanlar isə qızlar kimi rəqs edirlər. Bu videoya baxdım, şok oldum. Valideynlər hara baxır? Ayıbdır axı".

Təranə Muradova bu məsələdə müəllimləri ittiham edib:

"Son vaxtlar baxıram ki, müəllimlər bəzi rəqsləri bərbad günə qoyurlar. Bizim adət-ənənələrimiz var. Xoreoqrafiya sənətini bərbad günə qoyublar. Qadın qadın kimi, kişi də kişi kimi qalmalıdır. Rəqslər də müasirləşir. Amma bu o demək deyil ki, qadın çıxıb kişi kimi oynamalıdır. Müasirləşməliyik, amma qadını kişiyə "çevirmək" olmaz. İmkan verməsinlər ki, belə rəqslər sosial şəbəkələrdə paylaşılsın. Xalqın zövqünü, tarixini korlamasınlar. Rəqs bir yerdə dayanmır, inkişaf edir. "Tərəkəmə" xanım rəqsidir. Özfəaliyyət rəqs məktəbləri uşaqlara rəqsləri bərbad gündə öyrədirlər. Buna bir son verilməlidir. Biz mədəniyyətimizi, tariximizi itiririk. Bilmirəm kimə müraciət edim, amma buna son qoyulmalıdır".

 

0.088030099868774