"Səyyar qəbul otağı" ucqar Almu kəndində quruldu

"Paralel.az" xəbər verir ki,  SOCAR-ın "Azəriqaz" İstehsalat Birliyinin növbəti "Açıq mikrofon" aksiyası Lerik rayonunun ucqar Almu kəndində baş tutub. Mikrofon önünə keçən kənd sakini, şəhid anası Xəyalə Məhərrəmova çətin relyef şəraitində yerləşən kənddə payız-qış mövsümünün daha sərt keçdiyini bildirərək bu kəndin qazlaşdırılması ilə bağlı onlara köməklik edilməsini xahiş edib. Şəhid ataları Bəxtiyar Məlikov və Sadiq Məhərrəmovun da müraciətləri eyniyönümlü, yəni kəndə küçə qaz xətlərinin çəkilməsi ilə bağlı olub. Birliyin Lənkəran Regional qaz istismarı İdarəsinin rəisi qazlaşdırılma işlərinin bütün regionlarda mərhələli şəkildə icra olunduğunu vətəndaşların diqqətinə çatdırıb. Görüş zamanı səsləndirilən hər bir müraciət araşdırılması üçün qeydiyyata alınıb.