Leninqrad vilayətində kimya zavodu pilotsuz təyyarənin hücumundan sonra yanıb

Yanvarın 21-nə keçən gecə pilotsuz təyyarələr Leninqrad vilayətinin Ust-Luqa limanında yerləşən “Novatek” şirkətinin kimyəvi terminalına hücum edib, Fontanka xəbər verir.

Nəşrin məlumatına görə, yerli vaxtla təxminən saat 1:00-da Sankt-Peterburqa yaxınlaşan iki pilotsuz təyyarə müşahidə edilib, lakin istiqamətini dəyişərək Ust-Luqada limana hücum edib.

Leninqrad vilayətinin qubernatoru Aleksandr Drozdenko bildirib ki, zərbə nəticəsində qaz çəni zədələnib, heyət təxliyə edilib, heç kim xəsarət almayıb.