Bu ölkənin kəşfiyyatı fövqəladə vəziyyət rejiminə keçdi
Cənubi Koreya Respublikasının Milli Kəşfiyyat Xidməti mümkün təxribatlarla əlaqədar fövqəladə vəziyyət rejiminə keçib.
Bu barədə “Yonhap” məlumat yayıb.
"Şimali Koreya yalan məlumatların yayılması ilə ictimai rəydə parçalanma yaratmağa cəhd edə bilər. Genişmiqyaslı kiberhücumlar və pilotsuz uçuş aparatlarının hücumları kimi aşağı intensivlikli təxribatların baş verməsi ehtimalı var", - məlumatda bildirib.
Qurum Koreya Xalq Demokratik Respublikasında (KXDR) gecə-gündüz müşahidə aparacaq və əsas təhlükəsizlik obyektlərində yoxlamalar həyata keçirəcək.(Report)