PKK/YPG terror təşkilatının daha bir məsul şəxsi zərərsizləşdirilib
PKK/YPG terror təşkilatının daha bir məsul şəxsinin zərərsizləşdirildiyi məlum olub.
APA-nın Türkiyənin NTV telekanalına istinadən verdiyi xəbərə görə, Türkiyə Milli Kəşfiyyat Təşkilatının dekabrın 5-də Türkiyə sərhədindən 230 km məsafədə, Suriyanın Deyrizor şəhərində həyata keçirdiyi əməliyyat nəticəsində “Roni Velat” kod adlı Şirvan Hasanı öldürülüb.
Şirvan Hasanı 2012-ci ildə Trabzonda Jandarma Komandanlığına partlayıcı qurğu ilə həyata keçirilən və 3 əsgərin yaralanmasına yol açan terror aktında iştirak edib. O, 2023-cü ildən Deyrizorda PKK/YPG-nin məsul şəxsi olub.