“Hazırda Kiyevdə tutqunluq hissi var və təkcə noyabrda temperaturun enməsi ilə bağlı deyil. Burada bir sıra daxili və xarici amillər Ukraynanın tammiqyaslı işğalının ilk həftələrindən Rusiya üzərində sürətli və qəti qələbəsi perspektivlərinə olan inam indi ən tutqun əhvali-ruhiyyəni yaradıb”.

Bu barədə “Guardian” yazır.

Nəşr yazır:

“Ötən ilin sonu və bu ilin əvvəlində belə bir eyforiya var idi. İndi biz digər ifrat, eniş görürük və düşünürəm ki, biz bir müddət bəzi eniş-yoxuşlar görəcəyik”, - deyə keçən ay dörd illik missiyasını başa vuran Polşanın Kiyevdəki səfiri Bartoş Çiçokki bildirib.

Çoxdan gözlənilən yay əks-hücumunu keçilməz rus mina sahələri və istehkamları nəticəsində dayanmış oldu.

İki illik döyüşün yorğunluğu, cəbhədə davamlı can itkisi və Qərb tərəfdaşlarının asta templə silah çatdırmaqda davam etməsi məyusluq yaradıb. Atəşkəs haqqında gedən danışıqların isə  Kiyev üçün riskli olacağını və Rusiyaya fayda verə biləcəyini etiraf edirlər. 

Son vaxtlarda Yaxın Şərqdə baş verən dəhşət diqqəti Ukraynadan yayındırdı və sursat axını yavaşladı”.

Nəşr eyni zamanda yazır ki, Qərb paytaxtlarında da “Ukrayna yorğunluğu” artmaqdadır. “ABŞ-də Donald Trampın ikinci prezidentlik müddətinin perspektivi gündəmə gəlir ki, bu da Kiyevə dəstəyi zəiflədə bilər.

Keçmiş infrastruktur naziri Vladimir Omelyanın sözlərinə görə, arzuladıqları qələbə olmayacaq və bu, düşündüklərindən də çox vaxt aparacaq.

Eyni zamanda, münaqişə başlayandan cəbhədə olanların tükənməsi, yeni əsgərlərin səfərbər edilməsinin çətinliyi və bu yay əks-hücum əməliyyatının uğursuzluğu taktikanın dəyişdirilməsinin vacib olduğunu zəruri edir.

Sabiq nazir Omelyan məsələ ilə bağlı mövqeyini açıqlayaraq deyib ki, seçim çox sadədir: “Əgər biz Krımı tutmaq və Donbası azad etmək üçün daha 300,000 və ya 500,000 Ukrayna əsgərinin həyatı bahasına hazır olsaq və Qərbdən lazımi sayda tank və F-16 alsaq, bunu edə bilərik. Ancaq mən nə 500.000 insanın ölməyə, nə də Qərbin bizə lazım olan silah növü və miqdarını göndərməyə hazır olduğunu görürəm”. 

Sabiq nazirin fikrincə, başqa variant “islahatlar aparmaq, NATO və Aİ-yə üzv olmaq üçün atəşkəs razılaşmasıdır, sonra Rusiya dağılacaq, daha sonra Krımı və Donbası qaytaracağıq”, -nəşr yazır. 

“Guardian” Ukrayna prezidentinin müşaviri Mixail Podolyakın müharibə ilə bağlı mövqeyinə istinad edərək yazıb ki, real danışıqlar üçün imkan yoxdur: “Bu, sadəcə olaraq, əməliyyat fasiləsi olacaq. Rusiya bundan istifadə edərək ordusunu əhəmiyyətli dərəcədə təkmilləşdirəcək, yeni səfərbərlik həyata keçirəcək və daha sonra Ukrayna üçün daha faciəli nəticələrlə müharibəni bərpa edəcək”.

Bununla belə, prezidentin komandası ilə qeyri-adi şəkildə yaxından tanış olan jurnalist Saymon Şusterin Zelenski ilə bu yaxınlarda olan müsahibəsi belə deməyə əsas verir ki, hətta ölkə başçısının yaxın çevrəsində də Ukraynanın qələbəsinə inamına şübhə edənlər var idi.

Şuster məyus olmuş Zelenskinin köməkçisinə istinadən bildirib ki, prezidentin döyüş meydanında qələbə perspektivi ilə bağlı səhvi var. “Bizim variantımız yoxdur. Biz qalib deyilik. Ancaq bunu ona deməyə çalışın”, - deyə köməkçi bildirib.

Mürtəza
Ölkə.Az