İsrail Husilərin “Galaxy Leader”-in qaçırmasını pisləyir və İranı günahlandırır
İsrail hakimiyyəti Yəmən husiləri tərəfindən “Galaxy Leader” yük gəmisinin ələ keçirilməsini pisləyir və hücumda İranı günahlandırır.
APA xəbər verir ki, Bu barədə İsrailin baş naziri Binyamin Netanyahunun ofisinin bəyanatında deyilir.
“Biz İranın beynəlxalq gəmiyə hücumunu qətiyyətlə pisləyirik. İngilis şirkətinə məxsus olan və Yapon şirkəti tərəfindən idarə olunan gəmi İranın istəyi ilə Yəməndə husilər tərəfindən ələ keçirilib” – məlumatda bildirilir.