Səhmdarlar toplaşmaq istəmədi, şirkətin ləğvi təxirə düşdü
“Bakı Texnika Sənaye” ASC-nin səhmdarlarının növbədənkənar ümumi yığıncağı ləğv edilib.
"Paralel.az" xəbər verir ki, buna səbəb səhmdarların toplantıya qatılmaq istəməməsi olub.
Qeyd edək ki, şirkət oktyabrın 27-də cəmiyyətin ləğv edilməsi və ləğvetmə komissiyasının yaradılması ilə bağlı səhmdarlarına müraciət edərək dekabrın 1-də keçiriləcək yığıncağa dəvət etmişdi.
Xatırladaq ki, “Bakı Texnika Sənaye” ASC 2005-ci ildə dövlət qeydiyyatına alınıb, nizamnamə kapitalı 239 824 manatdır və qanuni təmsilçisi Nazim Qarayevdir.