Türkiyə-Xorvatiya matçının biletləri səkkiz dəqiqəyə satılıb
Futbol üzrə 2024-ci il Avropa çempionatının seçmə mərhələsinin "D" qrupunda keçiriləcək Xorvatiya - Türkiyə matçına biletləri 8 dəqiqəyə satılıb.
APA xəbər verir ki, bu barədə Xorvatiya Futbol Federasiyası məlumat yayıb.
Oyun 12 oktyabrda Osijek şəhərindəki Opus Arenada keçiriləcək.
Satışa çıxarılan 13 min bilet 8 dəqiqə ərzində bitib.
Xatırladaq ki, 5 oyuna 10 xal toplyan Türkiyə millisi qrupda lideridir. Ondan üç oyun az oynayan Xorvatiya isə ikinci yerdə qərarlaşıb.