Azərbaycan XİN Səudiyyə Ərəbistanı və Albaniyanı təbrik edib
Azərbaycan Xarici İşlər Nazirliyi Səudiyyə Ərəbistanı Milli Günü münasibətilə təbrik edib.
XİN-in “X” hesabında yazılıb.
“Milli Gün münasibətilə Səudiyyə Ərəbistanı hökuməti və xalqına ən səmimi təbriklərimizi və xoş arzularımızı çatdırırıq! Biz ikitərəfli əməkdaşlığımızın daha da inkişafını səbirsizliklə gözləyirik!”, - XİN-in təbrikində qeyd olunub.
Bundan başqa, XİN diplomatik münasibətlərin qurulmasının 30 illiyi münasibətilə Albaniyaya da təbrik ünvanlayıb.
“Dostumuz və tərəfdaşımız Albaniyanı 1993-cü ildə ölkələrimiz arasında diplomatik münasibətlərin qurulmasının ildönümü münasibətilə ürəkdən təbrik edirik! Qoy dostluğumuz əbədi və sonsuz olsun!”, - təbrikdə bildirilib.