Tovuz rayonunun Dönük Qırıqlı kənd sakinlərinin qaz təchizatı ilə bağlı problemləri dinlənildi
Tovuz rayonunun Dönük Qırıqlı kənd sakinlərinin qaz təchizatı ilə bağlı problemləri dinlənildi
"Tovuz rayonunun Dönük Qırıqlı kəndinin yeni yaşayış massivində təbii qazdan istifadə edə bilmirik. Kənd meşə zolağından kənarda yerləşir, odun almağa da imkanımız yoxdur. Xahiş edirəm, sözügedən genişlənən ərazinin qazlaşdırılmasında bizə köməklik edəsiniz". Bu sözləri Dönük Qırıqlı kənd sakini Dəmir Qurbanlı "Açıq mikrofon" aksiyası çərçivəsində vətəndaşlarla keçirilən görüş zamanı bildirib. Şəhid anası Sineyvər Dəmirovanın müraciəti rayonun Aran Yanıqlı kəndində yaşadığı küçənin qazlaşdırılması ilə bağlı olub. Aksiyaya Dondar Quşçu kəndindən qatılan Rəfael Məmmədovun da müraciəti eyniyönümlü olub. Görüş zamanı ünvanlanan hər bir müraciət qediyyata alınıb, vətəndaşlara lazımi izahatlar verilib.
"Paralel.az"
