Mahaçqalada avtoservisdə partlayış baş verib, azı 3 nəfər ölüb, 10 nəfər yaralanıb
Rusiyanın Dağıstan Respublikasının paytaxtı Mahaçqala şəhərində "Globus" ticarət mərkəzinin yaxınlığında yerləşən avtoservis binasında partlayış baş verib, azı 3 nəfər ölüb, 10 nəfər yaralanıb.
"Report" xəbər verir ki, bu barədə Rusiya teleqram kanallarında məlumat yayılıb.
Xilasetmə xidmətləri hadisə yerindədir.
Şəhər İcra Hakimiyyətinin mətbuat xidmətindən verilən məlumata görə, hadisə yerinə təcili tibbi yardım xidmətləri göndərilib.