Bu gün "Qarabağ" Çempionlar Liqasının 2-ci təsnifat mərhələsində cavab oyununa çıxıb.

Qol.az xəbər verir ki, Ağdam təmsilçisi evdə Polşa "Rakov"u ilə qarşılaşıb.  Bakı Olimpiya Stadionunda keçirilən görüş  1:1 hesabı ilə başa çatıb. Bu komandalar arasında ilk matç Polşa klubunun 3:2 hesablı qələbəsi ilə başa çatdığı üçün "Rakov" növbəti mərhələyə yüksəlib.  

"Qarabağ" isə Çempionlar Liqasında mübarizəni dayandırıb.  Komanda mübarizəni Avropa Liqasında davam etdirəcək və HİK (Finlandiya) / “Molde" (Norveç) cütünün məğlubu ilə üz-üzə gələcək. "Qarabağ" Avroliqada 3-cü təsnifat mərhələsində ilk oyununu evdə keçirəcək.

Qeyd edək ki, Almaniyalı hakim Sven Yablonski Polşa çempionu "Rakov"a "Qarabağ" üzərində qələbə qazanmaq üçün bütün məqamlarda polşalılara kömək edib.