Əks-hücum başlayandan Ukrayna hərbçiləri ölkənin cənubunda və şərqində təxminən 241 kvadrat kilometr ərazini işğaldan azad edib.

Axar.az xəbər verir ki, bu sözləri Ukrayna müdafiə nazirinin müavini Anna Malyar deyib.

“İşğaldan azad edilmiş ərazilərdə müdafiəçilərin möhkəmlənməsi ilə bağlı məlumatlar adətən həftədə bir dəfə yenilənir. Məsələn, Baxmut istiqamətindən danışsaq, orada son bir həftə ərzində 2 kvadrat kilometr, ümumilikdə isə 37 kvadrat kilometr azad edilib. Cənubda isə son bir həftə ərzində təxminən 12 km-dən çox, ümumilikdə isə 204 kvadrat kilometrdən çox ərazi azad olunub”.