“Arka Sokaklar” 18-ci sezonu ilə ekranlara qayıtmağa hazırlaşır.

Paralel.az “Hürriyet” qəzetinə istinadən xəbər verir ki, Türkiyə televiziya tarixinin ən uzun sürən fenomen serialının yeni sezonunun çəkilişini “D Media” üzərinə götürüb.

Baş rollarda Zafer Ergin, Özgür Ozan, İlker İnanoğlu və Ozan Çobanoğlunun yer aldığı “Arka Sokaklar” yeni mövsümə heyətinə 4 yeni personajla başlayır.

Serialın yeni sezonunda Mustafa Üstündağ, Hasan Denizyaran, Cansu Fırıncı və Sinem Reyhan Kıroğlu tamaşaçı qarşısına çıxacaq.

Xatırladaq ki, "Arka Sokaklar"ın aktyor heyətində; Perihan Ünlücan, Oğuz Veçe, Tunç Oğuz, Ali Haydar Çataltepe, Gizem Terzi , Özlem Çınar, Hülya Kalebayır kimi tanınmış simalar yer alır.

Qeyd edək ki, ötən il serialın 638-ci bölümü yayımlandıqdan sonra prodüser Türker İnanoğlunun səhhətindəki narahatlıqlardan dolayı “Arka sokaklar”ın çəkilişlərinin 45 günlüyə dayandırıldığı açıqlanmış, daha sonra isə fasilə bir az da uzadılmışdı.