Kosovoda sülhməramlı missiya tərkibində olan Polşa zabitləri arasında dava düşüb.

Paralel.az xəbər verir ki, bu barədə RMF FM radiostansiyası məlumat yayıb.

"Kosovoda beynəlxalq missiyada xidmət edən Polşa polisləri ilə daha bir qalmaqal baş verib. Bu dəfə Polşa zabitləri arasında dava olub", - məlumatda deyilir.

Qeyd olunur ki, Polşa missiyasının bölmələrindən birinin komandiri ilə onun müavini arasında dava düşüb”.

Münaqişənin İtaliya Korpusundan olan bir qadın polisə görə baş verdiyi bildirilib.

Hər iki tərəf bir-birindən şikayət etməkdən imtina etdiyi üçün intizam araşdırması aparılmır. Buna baxmayaraq, onlar vaxtından əvvəl Polşaya göndəriliblər.

Qeyd edilir ki, bundan öncə polşalı polislərin özbaşına sülhməramlı missiyanı tərk edərək Serbiyaya keçməsi barədə məlumat verilmişdi.