Macarıstan Ukraynaya şərt qoyub
Macarıstan Zakarpatiyada milli azlıqların hüquqları ilə bağlı problem həll olunmayana qədər Ukraynanın Avropaya inteqrasiyasını dəstəkləməyəcək.
“Report”xəbər verir ki, bunu Macarıstanın xarici işlər naziri Peter Siyarto bildirib.
Onun sözlərinə görə, Ukrayna Zakarpatiyadakı milli azlıqların hüquqlarını qaytarmalıdır. O, həmçinin Kiyevin Zakarpatiyada macar dilində tədrisin məhdudlaşdırılması ilə bağlı qanunun bir il müddətinə təxirə salınması ilə bağlı bəyanatlarını təbliğat adlandırıb.