Almaniya Bundestaqı Avropa Birliyi xaricindən olan ixtisaslı işçilərin ölkəyə girişini asanlaşdıracaq yeni qanun layihəsinin lehinə səs verib.

“Report” bu barədə xarici KİV-ə istinadən xəbər verir.

Əsasən hakim koalisiyadan - Almaniya Sosial Demokrat Partiyası, Yaşıllar və Azad Demokrat Partiyasından olan 388 deputat qanun layihəsinin “lehinə” səs verib. Layihənin əleyhinə 234 deputat səs verib, 31 deputat bitərəf qalıb.

Xüsusilə, yeni qanun ixtisaslı mütəxəssislərə hələ işəgötürənlə müqaviləsi olmasa belə, işə daxil olmaq hüququ verir. Bu halda onlar alman dilini, diplomunu və iş təcrübəsini təsdiqləməlidirlər. İş vizası üçün müraciət edənin qohumlarının artıq Almaniyada yaşaması ölkəyə daxil olma şansını artıracaq. Əcnəbilərə iş axtarmaq üçün bir il vaxt veriləcək.

Almaniyanın daxili işlər naziri Nensi Fezer sənədi miqrasiya sahəsində ən müasir qanun layihəsi adlandırıb.