İkinci tura hazırlıqla bağlı Türkiyə Prezident Rəcəb Tayyib Ərdoğan AKP-nin yerli təşkilat  rəhbərləri, millət vəkilləri, bələdiyyə sədrləri qapalı görüş keçirib. 

“Paralel.az ” xəbər verir ki, görüşdə çıxış edən Rəcəb Tayyib Ərdoğan deyib ki, qarşıda çox az vaxtları var: “Səslərin aşağı düşdüyü yerlərdə seçicilərlə daha sıx görüşlər keçirin. Seçicilərin narazılıqlarının səbəbini tapın, ən qısa zamanda həll yolunu tapın və hesabatları qərargaha göndərin. Nə edirsiniz edin, vətəndaşın könlünü alın. Sadəcə, ilk turda əldə etdiyimiz fərqə arxayınlaşıb, rahat oturmayın, daha çox çalışın”.

İstanbul və Ankaraya xüsusi önəm verən Ərdoğanın bu iki şəhərdə vətəndaşlarla görüşəcəyi bildirilib.
Ş.Salehqızı 

"Paralel.az"