Dollar ucuzlaşdı
ABŞ Federal Ehtiyat Sisteminin (FED) sərt pul siyasətinə fasilə verilə biləcəyi ilə bağlı siqnalları dolları əksər əsas valyutalara qarşı ucuzlaşdırıb.
Paralel.az xəbər verir ki, Britaniya funt sterlinqi 0,2% artaraq təqribən 11 ayın ən yüksək səviyyəsinə - 1,25905 dollara, avro isə 0,19% artaraq 1,1082 dollara yüksələrək son bir ilin pik həddinə çatdı.
ABŞ dolları indeksi əvvəlki sessiyada 0,6%-dən çox dəyər itirdikdən sonra 0,14% də ucuzlaşaraq 101,09 səviyyəsində qərarlaşdı.
Yapon yeni ABŞ dollarına nisbətdə təqribən 0,1% bahalaşaraq 134,56 səviyyəsinə yüksəldi.
Riskə həssas olan Avstraliya və Yeni Zelandiya dollarları isə 0,3% dəyər qazanaraq müvafiq olaraq 0,6692 və 0,6249 dollara çatdı.
Hazırda bazar iştirakşçıları FED-in iyunda faiz dərəcələrini azaltmağa başlayacağı ehtimalını 10% olaraq dəyərləndirir.
Qeyd edək ki, çərşənbə günü FED uçot dərəcəsini gözlənildiyi kimi 0,25% artıraraq 5-5,25%-ə yüksəltdi.
Könül
Paralel.az