“Azəriqaz” İB-nin direktoru Ruslan Əliyev ötən gün Biləsuvarda qaz sızması nəticəsində baş verən partlayışla bağlı açıqlama verib. 
"Paralel.az" “Qafqazinfo”ya istinadən xəbər verir ki, o, hazırda komissiyanın hadisəni araşdırdığını bildirib: “Belə hadisələr baş verən zaman yerində komissiya yaradılır. Biz təkcə “Azəriqaz” İstehsalat Birliyi olaraq orada araşdırma aparmırıq. Orada həm FHN, həm də Prokurorluğun əməkdaşları tərəfindən birgə araşdırmalara başlanılıb. Hadisənin ilkin görüntüsündən ehtimal olunur ki, partlayış qaz sızması səbəbindən baş verib. Bu qaz avadanlığının hansınınsa açıq olması səbəbindən də ola bilər. Hadisə baş verməmişdən əvvəl evin işığının yanma görüntüsü var. Bu, onu göstərir ki, hadisə hər hansı qaz yığıntısından baş verib”.