Mark Zukerberq üçüncü dəfə ata oldu - FOTO
“Meta” sosial şəbəkəsinin qurucusu Mark Zukerberq və onun 38 yaşlı həyat yoldaşı Prisilla Çanın üçüncü övladları dünyaya gəlib.
"Paralel.az" xəbər verir ki, Mark Zukerberq bu barədə öz “İnstagram” hesabında paylaşım edib.
O bildirib ki, üçüncü övladları olan qızlarına Aurelia Çan Zukerberq adını veriblər.
“Dünyaya xoş gəldin, Aurelia Çan Zukerberq. Sən kiçik bir nemətsən”, - deyə Zukerberq qeyd edib.
Xatırladaq ki, Mark və Prisillanın həmçinin yeddi yaşlı Maksima və beş yaşlı Avqusta adlı qızları var.
