Xəbər lenti

  1. Əsas səhifə
  2. Ölkə
  3. Cəmiyyət
  4. Sosial

“Azəriqaz” İB-dən yayılan dezinformasiyayla bağlı açıqlama

20:10 14-12-2022 2557
“Azəriqaz” İB-dən yayılan dezinformasiyayla bağlı açıqlama
 
 
Ermənistan Kütləvi İnformasiya Vasitələrində (KİV) növbəti dəfə təxribat xarakterli məlumatlar yayılmaqdadır.
Bu dəfə yayılan dezinformasiyaya görə guya Azərbaycan tərəfi Rusiya sülhməramlılarının müvəqqəti yerləşdiyi ərazilərdə mavi yanacağın təchizatını dayandırıb.
Şübhəsiz ki, bu, beynəlxalq ictimaiyyətin çaşdırılmasına və beynəlxalq ictimai rəyin səhv istiqamətə yönləndirilməsinə xidmət edir.
"Paralel.az" xəbər verir ki, “Azəriqaz” İB məsələylə bağlı məlumat yayıb.
Məlumatda deyilir:
"“Azəriqaz” İB olaraq bəyan edirik ki, Azərbaycanın sözügedən məsələ ilə heç bir əlaqəsi yoxdur. Belə ki, Rusiya sülhməramlılarının müvəqqəti yerləşdiyi ərazilərdə qaz təchizatı Ermənistan tərəfindən həyata keçirilir və sözügedən ərazilər ölkəmizin qaz təchizatı sisteminə inteqrasiya olunmayıb.
Əlavə olaraq qeyd edək ki, yaxın günlərdə qaz xəttinin Azərbaycanın nəzarətində olan ərazilərdən keçən hissəsində müvafiq texniki diaqnostika işləri aparılacaqdır.
Məlum olduğu kimi, hazırda soyuq hava şəraiti ilə əlaqədar Azərbaycanın digər dağlıq və dağətəyi rayonlarında da qaz xətlərində nasazlıqlar baş verir. Ümumilikdə texniki diaqnostikaların həyata keçirilməsi davamlı və təhlükəsiz qazın təchizatına hesablanan addımlardan biri kimi qiymətləndirilir."
 
 
 

Bizi izləyin

paralel.az

Son Xəbərlər

Rusiya taxıl ixracına yeni məhdudiyyət qoyur

17:34 20-04-2024
Digər xəbərlər
0.014991044998169