XALQ YAZIÇISININ “NAMƏHRƏM” SİRLƏRİ

Çingiz Abdullayevin jurnalistə aqressiv reaksiyası, daha doğrusu “hücumu” sualın dəqiq hədəfə düşdüyünü sübut edir.

Koqnitiv psixologiyada buna “müdafiə mexanizmi” deyilir.
Belə düşünmək olar ki:
“203 min manat hara xərclənib?” sualı şüuraltı olaraq xalq yazıçısında onun naməhrəm sirlərinə toxunmaq, gizli dünyasına müdaxilə kimi başa düşülür və o bu “sirlər xəzinəsinin” üstünü açmamaq üçün dərhal müdafiə mexanizmini işə salır.

Gəlin cavablara baxaq:
“Utanmırsız xalq yazıçıdan sual verirsiz pullar hanı?”,
“Özün ölmürsən, bu sualı verirsən?”

Əlbəttə “görkəmli” yazıçı suala səbrli və mədəni şəkildə cavab verə bilərdi.
Bəs o niyə aqressivləşdi?

Əgər biz bu cavablara MÜBAHİSƏ-MÜHARİBƏDİR konseptindən yanaşsaq, düşünmək olar ki, yazıçının daxilində artıq çoxdan sadə xalq kütləsi ilə MÜHARİBƏ başlamışdır. Məhz bu səbəbdəndir ki, o elementar suala MÜBAHİSƏ nöqteyi-nəzərindən cavab verir, aqressivləşir, özünü yazıçısı olduğu xalqa güldürür.

P.s. “Görmürsən bu qədər pul yeyib-içməyə xərclənib?” kimi cavablara isə koqnitiv psixologiya müəllifləri izah tapa bilmirlər. Çünki, belə təfəkkür tərzi onların dünyalarında hələ təsbit olunmayıb.
Müəllif: İtalyanşünas alim Gunel Bayramova

Paralel.az