"Paralel.az" xəbər verir ki, Astara rayonunda keçirilən “Açıq mikrofon” aksiyasında 6 müraciət ünvanlanıb.

Ojakəran kənd sakini, Vətən müharibəsi qazisi Amid Hüseynov və Siyaku kənd sakini Vüsal Ağayev müraciət edərək yaşadıqları kənddə onlara məxsus yeni tikilmiş fərdi yaşayış evinin qazlaşdırılmasını xahiş ediblər.

Şəhər sakinləri Nizami Məmmədov və Vüsal Əsədzadə sonradan ödənişli (mexaniki tipli) qaz sayğaclarının əvvəldən ödənişli (smart-kart tipli) qaz sayğacı ilə əvəzlənməsini istəyiblər. Fərdi qazlaşma ilə bağlı vətəndaşlara ətraflı məlumat verilib.

Aksiyada ünvanlanan müraciətlər Lənkəran Regional qaz istismarı İdarəsinin rəhbər şəxsləri tərəfindən qeydə alınıb. Bəzi problemlərin araşdırılmasına qərar verilib.