Nədir amacın!
Təvəkkül Goruslu
NƏDİR AMACIN
Torpağa sis kimi səpilən yağış,
Sən hələ çiskinsən, damcı deyilsən.
Yerin ağuşuna təpilən yağış,
Sən hələ qaşovsan, qamçı deyilsən.
Səssizcə hopursan canına yerin,
Bir eşqin ruhuna hopduğu kimi.
Dönürsən cismində qanına yerin,
Qəlbində pərvəriş tapdığı kimi.
Sıxlaşıb, böyüyüb bərkidiyin an,
Döyərsən səkini, yolu, yamacı.
Tündləşər buludlar, seyrələr duman...
Bax onda bilinər nədir amacın!
08.09. 2022
Paralel.az