Xoş gördük...
Xoş gördük
Zöhrab Mehdi
Xoş gördük - Allah adamı,
Xoş gördük - Allahsız adam!
Necəsən - günah adamı,
Bəs sən, sən - günahsız adam?!
Sarışın, əsmər - xoş gördük
Xoş gördük - "can çəkən" adam!
Keyfin nə təhər - xoş gördük
"Qan deyib", qan tökən adam?!
Aydın adam, İŞIQ adam
Salam, səni də xoş gördük.
Hər işi "qarışıq" adam -
"Bəlam", səni də xoş gördük!
Xoş gördük - hüzur, qalmaqal
Xeyir həm də, şər -xoş gördük!
Xoş gördük - haram və halal
Xoş gördük BƏŞƏR, xoş gördük!
Paralel.az