Bugünlərdə vəzifəsini itirən Mərkəzin Bankın keçmiş sədri Elman Rüstəmovun gedişindən sonra onunla bağlı yerli KİV-də bir-birinin ardından ilginc informasiyalar paylaşılmaqdadır. Paralel.az Dia.az-a istinadla bildirir ki, bu qəbildən olan növbəti xəbəri jurnalist Cavanşir Həsənli paylaşıb.
Məlumata görə, təqdim olunan faktlar heç də keçmiş baş bankirin ixtiyarında olan sərvətin tamamı deyil və daha nələrin üzə çıxacağını təxmin etmək o qədər də çətin olmamalıdır.
Cavanşir Həsənli yazır: “Mərkəzi Bankın keçmiş sədri (hazırda baş nazirin müşaviri) Elman Rüstəmovun Böyük Britaniyada yaşayan qızı Günel Rüstəmovaya məxsus GYUNEL LIMITED-in bu ilin yanvarında təqdim etdiyi maliyyə hesabatına görə aktivləri 6.208.065 funt sterlinq (14 milyon manata yaxın) təşkil edir”.
Verilən məlumata görə, Elman Rüstəmovun qızı Günel Rüstəmova Londonda moda sektorunda tanınan simalardandır.
Paralel.az