Paralel.az xəbər verir ki, Ermənistanın sabiq prezidenti Serj Sarkisyan müsahibəsində Qarabağ üzrə danışıqları bərpa etməyin yollarından danışıb: “Mən dərindən əminəm ki, Qarabağ münaqişəsi həll olunmayıb. Bu, təkcə mənim inamım deyil, həm də vasitəçilərin bəyanatlarıdır”.
Ermənistan-Azərbaycan sərhədinin demarkasiyası prosesinin Qarabağın Azərbaycanın bir hissəsi kimi tanınması anlamına gəlməməli olduğunu necə deyə bilər sualına cavab verən S.Sarkisyan “qırmızı xətləri keçmək lazım olmadığını, bu səlahiyyətlilərin bunu etmək iqtidarında olmadığını” deyib.
Sabiq prezident cəmiyyətin Qarabağı “erməni hesab edən və belini düzəltməyə qadir olan hissəsini birləşməyə və baş nazir Nikol Paşinyandan “bu siyasi dilənçiliyə son qoymağı” tələb etməyə çağırıb: “Sülh üçün edilən dualar heç vaxt sülhə gətirib çıxarmayıb.
İİstər əvvəldən, istərsə də indi dediklərimdə xahiş edirəm ki, heç kim qisas elementləri axtarmasın. Mən bunu deyirəm: məğlub olsaq da, zəif olsaq da, təslim olsaq da, danışıqlar prosesini bərpa etmək imkanımız var.
Əgər biz normal olaraq bu tələbləri irəli sürsək, hesab edirəm ki, müəyyən müddətdən sonra danışıqlar prosesinin müəyyən qədər bərpa olunduğunu deyə bilərik”.
Nigar