Azərbaycan Respublikası Milli Məclisinin deputatı İlham Kazım oğlu Məmmədovla bağlı qısa informasiya toplamaq üçün axtarış verəndə Vikipediyada nə çıxdı..?
Şəxs haqqında olan məqalə qaralama halındadır.
Təsəvvür edirsiniz  10 ildir Milli Məclisin kreslosunu zəbt eləmiş  adamın həyat yolu QARALAMA HALINDADIR…
Kimin şübhəsi varsa, buyurub baxa bilər…
Onu da qeyd edək ki, biz, ümumiyyətlə, bu adda-soyadda deputatın varlığından təzəcə xəbər tutmuşuq ki, belə bir deputatımz da var imiş…
Nə isə keçək əsas  mətləbə.
Yevlaxda  adi bir terapevt olan  İlham Məmmədov necə deputat oldu ?
Məlumdur ki, deputat İlham Məmmədov  Gəncə şəhər İcra Hakimiyyətinin sabiq başçısı Elmar Vəliyevin kadrı idi. Onun millət vəkili seçilməsində də sabiq icra başçısının böyük əməyi olub. Elmar Vəliyev istər Yevlaxın icra hakimiyətinin başçısı olanda, istərsə də Gəncəyə təyinat aldıqdan sonra da belə İlham Məmmədova dəstəyini əsirgəməyib, onun bir neçə dəfə deputat seçilməsinə dəstək  verib.
Bəli, Elmar Vəliyev  Yevlaxın icra başçısı olanda İlham Məmmədovu  baş həkim təyin edib. Və beləcə terapevtin karyerası başlayıb.
Deputat   İlham  Məmmədovun  “AS-İnşaat” MMC-nin keçmiş direktoru Nuşirəvan Quliyev ilə  ortaq biznesi də heç kimə sirr deyil.
Bu şərikli biznesin nəticəsi olaraq Yasamaldakı “Yuvelir  zavod”un ( Qızıl zavodu ) arxasındakı qara mərmərli bina da  deputat İlham Məmmədovaməxsusdur.
İlham Məmmədovun biznes əlaqələri “daha yuxarılara”  gedib çıxır.
Bəli, İlham Məmmədovun  Prezident Administrasiyasının keçmiş əməkdaşı Hüseyn Mövsümovla  ortaq biznesinin sorağı  Serbiyadan, Çernoqoriyadan gəlir.
Deməli, arxasında dağ kimi Elmar Vəliyevi, sonra Hüseyn Mövsümovu itirən deputat İlham Məmmədov son vaxtlar “arxa-dayaq”  axtarışına çıxıb.
Yevlaxda terapevt kimi tanınan deputat İlham Məmmədov bu dəfə arxasını  “SOCAR”a  söykəmək qərarı verib. Və bu barədə razılaşma əldə olunub.
Deputat maaşı ilə  1 milyonluq villanı İlham Məmmədov necə alıb ?
Yevlax və Gəncə şəhərlərindəki xeyli sayda obyekti cənab deputat hansı pul ilə alıb ?
İlham Məmmədovun oğlu Turalı Milli Məclisə kim işə düzəldib, görəsən bu korrupsiya halı deyilmi?
Bu barədə növbəti yazıda.
Bizi izləyin.