Paralel.az xəbər verir ki, Qırğızıstan hakimiyyəti terrorda iştirakda şübhəli bilinən Qırğızıstan vətəndaşının saxlanması ilə bağlı Qazaxıstana nota göndərib.

Qazaxıstandakı etiraz aksiyalarında iştirak etməkdə şübhəli bilinərək saxlanılan Qırğızıstan vətəndaşı Qırğızıstanın Yüksək Texnologiyalar Parkının təsisçisi Azis Abakirovun sözlərinə görə, caz musiqiçisi Vikram Ruzaxunovdur.

"Bu Qırğızıstanda məşhur caz ifaçısı Vikram Ruzaxunovdur. Tez-tez Qazaxıstana gedir, orada konsertlərdə iştirak edirdi. Onu dünyanın caz dairələrində çoxları tanıyır. Biz onu tanıyırıq və sevirik! Xahiş edirəm onu bu məsələyə qatmayın. Belə ola bilməz, buraxın getsin. O, sadə musiqiçidir!" – deyə Abəkirov Facebook səhifəsində yazıb.

Bazar günü Qazaxıstanın “Xəbər 24” telekanalı guya Qırğızıstan vətəndaşı olduğunu və mitinqdə iştirak etmək üçün Qazaxıstana uçduğunu deyən şəxslə müsahibəni yayımlayıb. Onun sözlərinə görə, naməlum şəxslər ona bilet alıb, Alma-atada kirayə mənzilə yerləşdirib və etiraz aksiyalarında iştiraka görə 200 dollar vəd ediblər.

“Qazaxıstan Respublikasında baş vermiş iğtişaşlarda iştirak etdiyinə görə Qırğızıstan Respublikası vətəndaşının saxlanılması ilə bağlı sosial şəbəkələrdə yayılan video ilə bağlı Qırğızıstan Xarici İşlər Nazirliyi bildirir ki, hazırda nazirlik səlshiyyətliləri Qazaxıstan Respublikasının hakimiyyət orqanları bu vətəndaşın həbsinin bütün hallarının aydınlaşdırılması üçün müvafiq tədbirlər görür”, - deyə ölkənin Xarici İşlər Nazirliyindən RİA Novosti-yə bildiriblər.

Qırğızıstan hakimiyyəti terrorda iştirakda şübhəli bilinən Qırğızıstan vətəndaşının saxlanması ilə bağlı Qazaxıstana nota göndərib. TASS xəbər verir.

.Qırğızıstan Milli Təhlükəsizlik Komitəsinin sədri Kamçıbek Taşiyev deyib: “Biz nota ilə yanaşı bu işlə bağlı bütün məlumatları göndərmişik".

Taşiyevin sözlərinə görə, sənətçi terrorçu deyil və bunun əksini ifadə edənlər yanlış ola bilər.  Mütəxəssis vurğulayıb ki, Qırğızıstan Qazaxıstan mətbuatının yaydığı ittihamlardan inciyib.

Qırğızıstanın Dövlət Milli Təhlükəsizlik Komitəsinin mətbuat xidməti daha sonra bəyanat yayıb ki, ölkə vətəndaşlarının Qazaxıstanda baş verən iğtişaşlarla heç bir əlaqəsi yoxdur.

Qırğızıstanın paytaxt sakinləri məşhur qırğız musiqiçisi Vikram Ruzaxunovun Qazaxıstan təhlükəsizlik qüvvələri tərəfindən saxlanmasına etiraz olaraq Qazaxıstan səfirliyi qarşısında aksiya keçiriblər. Bu barədə TASS-a aksiyanın təşkilatçılarından biri məlumat verib.

Qırğızıstanın tanınmış müğənnisi Kairat Primberdiev jurnalistlərə açıqlamasında deyib: “Caz musiqiçisi Vikram terror, talan, soyğunçuluqda ittiham olunur. Onun sözlərinə görə, bütün bu ittihamlar tamamilə absurddur, çünki Ruzaxunov mitinqdə cəmi 90 min təngə (təxminən 200 dollar) qazanmaq üçün Alma-ataya  getməz.

Qırğızıstanlı musiqiçinin azadlığa buraxılmasını Qazaxıstan hakimiyyətindən tələb edən aksiyada təxminən 20 nəfər iştirak edir.

Qırğızıstan Daxili İşlər Nazirliyinin məlumatına görə, Ruzaxunov tez-tez Alma-atada qastrol səfərində olub. Yeni il gecəsi onu bu şəhərə “konsert proqramları keçirmək” üçün dəvət ediblər. Alma-Ataya bilet 2021-ci il dekabrın 16-da alınıb və yanvarın 2-də qonşu respublikaya uçub. Daxili İşlər Nazirliyi artıq müəyyən edib ki, Ruzaxunova Bişkek hava limanında anası ilə birgə olub. Musiqiçinin Qazaxıstanda qohumu yoxdur və qonşu respublikaya “yalnız konsert proqramları keçirmək, həmçinin musiqi festivallarında iştirak etmək üçün dəvətlə” gedib.

Qazaxıstanda saxlanılan Ruzaxunov Qırğızıstanda tanınmış caz musiqisi ifaçısı, pianoçu və illik "Bişkek-Caz-Bahar" beynəlxalq musiqi festivalının təşkilatçılarından biridir ..
Akif Nəsirli