Paralel.az xəbər verir ki, Danimarka Saxo Bankı illik sorğuda şok iqtisadi proqnozlar təqdim edib. Analitiklər real və son dərəcə təhlükəli hadisələrdən danışıb ki, onun hər biri bazarlara güclü zərbə vuracaq.
Ssenarilərdən biri ABŞ-da inflyasiyanın artmasıdır. Fed on milyon boş iş yerinin doldurulacağını gözləsə də, bankın strateqləri deyir ki, əmək bazarındakı vəziyyət buna uyğun deyil: bəzi amerikalılar böhran səbəbindən erkən pensiyaya çıxıb, digərləri isə aşağı maaşlı işə qayıtmaq istəmir.
Enerji problemləri və işçi qüvvəsi çatışmazlığı əmək haqqının ikirəqəmli artımına səbəb olacaq. Nəticədə 2023-cü ilə qədər inflyasiya II Dünya Müharibəsindən sonra ilk dəfə olaraq 15 faizə çatacaq.