Paralel.az xəbər verir ki, sülhməramlı əməliyyatda iştirak etmək üçün hava-desant bölmələri və texnikası olan 9 İl-76 hərbi-nəqliyyat təyyarəsi Alma-Ataya eniş edib. Müvafiq video RİA Novosti Telegram kanalında yayımlanıb.

Kadrlarda rus paraşütçülərinin yükləri boşaltdıqdan sonra hava limanında necə nəqliyyat karvanı təşkil etdiyi görünür. Onlar Qazaxıstana döyüş texnikası ilə gəliblər və təhlükəsizlik rəsmiləri ilə etirazçılar arasında davam edən toqquşmalar fonunda kritik infrastrukturu qorumaq üçün tezliklə yola düşəcəkləri gözlənilir.

Bundan əvvəl respublika prezident administrasiyasının birinci müavini Dauren Abayev etirazların yatırılmasında KTMT hərbi kontingentinin iştirakı ilə bağlı məlumatı təkzib etmişdi. O, sülhməramlı missiyanı kollektiv çevik reaksiya qüvvələrinin tətbiqi ilə qarışdırmamağa çağırdı və xarici qoşunların müstəsna olaraq təhlükəsizlik funksiyalarını yerinə yetirəcəyini bildirdi.

Qazaxıstanda etirazlar bazar günü, yanvarın 2-də avtomobillərin benzinin litrinin qiymətinin 60 təngədən 120 təngəyə qaldırılması ilə bağlı başlayıb. Tezliklə iqtisadi tələblər siyasi tələblərlə əvəz olundu: hökumətin istefası, yeni seçkilərin keçirilməsi, keçmiş prezident Nursultan Nazarbayevin “klan”ından olan insanların lüstrasiyası məsələsinə baxılması.
Akif Nəsirli