ABŞ-ın Qara dənizdə “F-35” qırıcılarının gizli kütləvi hava hücumuna Rusiya ordusunun cavabı proqnozlaşdırılıb.

Paralel.az xəbər verir ki, bu barədə Çinin “Sohu” nəşrində dərc olunan məqalədə bildirilib.

Nəşrin iddiasına görə, açıq müdaxilə olarsa, NATO “böyük sürpriz”lə - Krımda yerləşdirilmiş modernləşdirilmiş S-300PM-2 hava hücumundan müdafiə sistemləri ilə üzləşəcək.

Mənbə Krımdakı “S-400”-ləri Amerika “F-35”-lərinin hədəflərindən biri kimi göstərib.

Çin nəşri iddia edib ki, Amerika “F-35”-ləri Rusiyanın hava məkanını pozan kimi, onlar bu sistemlər tərəfindən amansızcasına vurulacaq.
“The National Interest” isə bildirib ki, rus ordusu Ukraynanı işğal edəcəyi təqdirdə, ABŞ Qara dənizdən Rusiyaya ciddi zərbə vura bilər. Nəşr ABŞ-ın busu hövzəsində kifayət qədər hərbi gücünün olduğunu və ilk atəşin buradan açıla biləcəyini yazıb.

“Sualtı qayıqlardan və gəmilərdən atılan “Tomahavk” raketləri kimi ağır və dəqiq atəş açan sistemlər Ukrayna sərhədi boyunca Rusiya qüvvələrinə zərbə vura bilər”, - nəşr vurğulayıb.