Şagird alverçisinə qarşı hansı cəza nəzərdə tutulur?
Mingəçevir şəhər 3 saylı tam orta məktəbin direktoru məktəbi şəxsi mülki hesab edir...
Sosial mediada yayılan məlumatlara görə, məktəbin direktoru Gültəkin Quliyeva şagirdlərini öz qulu, təhkimli kəndlisi hesab edir.
X b sinfinin bir şagirdi Kür hazırlıq kursunda qeydiyyatdan keçəndə ordan deyiblər ki, bəs sən Mingəçevir şəhər 3 nömrəli tam orta məktəbin deyil, Yevlax rayonunun şagirdisən.
Şagird isə hər gün 3 nömrəli tam orta məktəbə dərsə gedir.

Valideyn bu məsələni məktəbdən soruşsa da, düz əməlli cavab ala bilməyib.

Bundan sonra məktəb rəhbərliyi həmin şagirdi sıxışdırır.

Ona görə də Mingəçevir şəhər Təhsil Şöbəsinə müraciət edib, məlumatın düzgünlüyünü öyrənmək, günahkarlara qarşı tədbir görmək üçün müraciət etdi.

Məktəbi şəxsi mülki hesab edən direktor Gültəkin Quliyeva valideynin xəbəri olmadan şagird yerdəyişməsi edib. Şagirdi Yevlax rayon Salahlı kənd məktəbinə satıb.

OŞ təsdiq olunduqdan sonra, şagirdi yenidən öz məktəbinə qaytarıb.

Əvvəlcə Təhsil Nazirliyinin adından valideyndən şəxsiyyət vəsiqəsini istəyib.

Araşdırmalardan məlum olub ki, telefon qeydiyyat nömrəsi cin nömrə ilə olub.

Həmin nömrə isə məktəbin müəllimi olan Almaz adlı müəllimə məxsusdur.
Almaz müəllim deyilənə görə həmin məktəbin direktor müavinidir.

Məktəb bunların hamısını valideyndən gizlədib, bu işlər ancaq Təhsil Şöbəsinin səlahiyyətlərində olduğunu bildirmişdi. Guya elektron yerdəyişməni Mingəçevir şəhər Təhsil Şöbəsi edib.

Araşdırmalar göstərir ki, Gültəkin Quliyeva məsuliyyətdən yaxa qurtarmaq, valideyni sakitləşdirmək üçün bunu deyib. Halbuki, Təhsil Şöbəsinin bundan xəbəri yoxdur.

Artıq, X sinif şagirdi Mingəçevir şəhər 3 nömrəli tam orta məktəbdə oxumaq istəmir. Çünki şagirdə qarşı təzyiqlər olur.

Məsələ burasındadır ki, o valideynin l sinifdə oxuyan övladı var. Gültəkin müəllim artıq o şagirdə görə təzyiq edə bilər.

Gültəkin Quliyeva vəzifə səlahiyyətlərindən sui-stifadə edərək, valideynin xəbəri olmadan şagirdi sövdələşdiyi Yevlax rayon Salahlı kəndinə göndərir, valideyn bunu soruşanda səsinə güc verir.

Mingəçevir şəhər Təhsil şöbəsi bu özbaşınalıq edən direktor haqqında qəti tədbir görməlidir.

Deməli, bu özbaşınalıq edən direktorun şagird alveri birinci işi deyil. Sadəcə təsadüfi nəticəsində bu fırıldağına üstü açıldı.

Gültəkin Quliyevaya bu özbaşınalıq etməyə kim icazə verib?
19 nömrəli tam orta məktəbdən 3 nömrəli tam orta məktəbinə direktor yerdəyişməsinin səbəb və məqsədi tam aydın oldu.

Belə bir qanunu pozan direktor nəinki vəzifəsindən kənarlaşmalı, ümumiyyətlə, məktəbdən uzaqlaşdırılmalıdır.

Əgər bu özbaşınalıq edən direktora layiqli cəza verilməsə, digərləri ona neylədilər ki, mənə də etsinlər?, yaxud Gültəkin Quliyeva elədiyini görməyən, mənə niyə cəza verməlidir? – deyəcək.

Şagird alverçisinin cəzası olacaq?

Təhsil Nazirliyi, Təhsil Nazirliyinin Daxil Nəzarət şöbəsi, Mingəçevir şəhər Təhsil Şöbəsi Gültəkin Quliyevanın öz başınalığa son qoya biləcək?
Yoxsa özü demişkən məktəb onun şəxsi mülki olduğu üçün heç kim, heç nə deməyəcək?

Paralel.az