İlham Heydər oğlu Əliyev 24 dekabr 1961-ci ildə Bakı şəhərində anadan olub.

O, Bakıda 6 saylı orta məktəbi bitirib, 1977-ci ildə Moskva Dövlət Beynəlxalq Əlaqələr İnstitutuna (MDBƏİ) daxil olub. 1982-ci ildə həmin İnstitutunun aspiranturasına daxil olub, 1985-ci ildə oranı bitirərək, tarix elmləri namizədi dərəcəsini alıb. İlham Əliyev 5 il MDBƏİ-də müəllim işləyib.

1994-2003-cü illərdə İlham Əliyev Azərbaycan Respublikası Dövlət Neft Şirkətinin (SOCAR) vitse-prezidenti, sonra isə birinci vitse-prezidenti vəzifəsində çalışıb. 1995-ci və 2000-ci illərdə Milli Məclisə üzv seçilən İlham Əliyev, 2001-2003-cü illərdə Avropa Şurası Parlament Assambleyasında Azərbaycan nümayəndə heyətinin rəhbəri olub. 2003-cü ildə Baş Nazir vəzifəsinə təyin edilməsi ilə əlaqədar İlham Əliyevin deputat səlahiyyətlərinə xitam verilib.

15 oktyabr 2003-cü ildə keçirilən seçkilər nəticəsində İlham Əliyev Azərbaycan Respublikasının Prezidenti seçilmişdir. Prezident 2008, 2013 və 2018-ci illərdə keçirilən seçkilərdə yenidən qələbə qazanmışdır.

İlham Əliyev 20 ölkənin fəxri ordenləri və adları ilə təltif olunub. Prezident, həmçinin Yeni Azərbaycan Partiyasının sədridir və ordumuzun Ali baş komandanıdır.

Prezident İlham Əliyevin fəaliyyəti nəticəsində ölkəmizin son 15 ildə hərbi, iqtisadi və siyasi gücü artmışdır. Bunun nəticəsi olaraq 2020-ci ildə Azərbaycan ordusu işğalda olan torpaqlarımızı cəmi 44 gün ərzində azad etmişdir və düşməni təslim olmağa məcbur etmişdir.

Paralel.az