Ərdəbildə quş qripi təhlükəsi
Paralel.az xəbər verir ki, Ərdəbil əyalətinin Baytarlıq Baş İdarəsi bölgədə superkəskin quş qripinin yayılma təhlükəsi barədə xəbərdarlıq edib.
İdarənin başçısı Bəhlul Təkləvi bundan əvvəl əyalətin Germi şəhərinin kəndlərindən birində quş qripinin aşkarlandığını deyib.
O, bölgənin köçəri quşların köç marşrutu üzərində olması səbəbindən xəstəliyin yayılma riskinin yüksək olduğunu bildirib.
“Ərdəbil əyaləti quş qripi xəstəliyinin mümkün yayılması baxımından ölkədə ən riskli durumda olan 5 əyalətdən biridir”-deyə, Baş Baytarlıq İdarəsinin rəhbəri vurğulayıb.
Akif Nəsirli