1) ABŞ-ın mövqeyi

- Bayden Putinlə danışıqdan öncə Almaniya, Fransa, İtaliya, İngiltərə liderləri ilə məsləhətləşdi, bu yolla Rusiyaya təzyiqi artırdı;

- ABŞ rəsmiləri danışıqdan sonra da Almaniya, Fransa, İtaliya, İngiltərə liderlərini məlumatlandırdılar, Ruiyanı basqı altında tutdular;

- ABŞ deyir ki, Rusiya Ukraynanın müstəqilliyinə, suverenliyinə, ərazi bütövlüyünə hörmət etməlidir;

- Rusiya Ukrayna sərhədinə yığdığı qoşunları geri çəkməlidir;

- Rusiya Ukraynanı işğal hərəkatına girişməməlidir;

- Rusiya bu addımı atsa, ABŞ və Avropanın ağır iqtisadi qadağaları ilə üzləşəcək;

- Rusiya enerji nəqlini siyasi təzyiq vasitəsinə çevirməməlidir;

- Krım Ukrayna torpağıdır;

- Rusiya Donbasdakı qüvvələri dəstəkləməməli, Ukraynanın daxili işlərinə qarışmamalıdır;

- ABŞ Ukrayna ilə gündəlik təmas halındadır;

- Bayden Zelenskiyə görüşün nəticələri haqqında məlumat verəcək;

- ABŞ, Avropa, ehtiyac olsa, NATO Ukrayna məsələsində birgə hərəkət edəcəklər;

- öz yolunu seçmək Ukraynanın suveren hüququdur;

- ABŞ Rusiyanın təsir məkanı anlayışını qəbul etmir;

2) Rusiyanın mövqeyi

- Rusiya Ukraynada NATO ilə qonşu olmaq istəmir;

- Rusiya Ukraynanı öz təsir məkanı hesab edir;

- ABŞ-a deyir ki, Ukraynanı NATO-ya daxil etmək planından əl çək;

- Ukraynanı silahlandırma;

- Ukraynanın NATO-ya daxil olması Rusiyanın qırmızı xəttidir;

- Krım Rusiya torpağıdır, ABŞ və Avropa bununla barışmalıdır;

- Rusiya münaqişənin tərəfi deyil, münaqişənin tərəfləri Ukrayna və Donbasdır;

- Ukrayna Minsk anlaşmasını yerinə yetirmir;

- ABŞ və Avropa Ukraynanı NATO-ya daxil etmək planından əl çəksələr, məsələ həll olunar;

- ABŞ Rusiyanı əhatə etmək planından imtina etməlidir;

- Rusiya Ukraynanın NATO-ya daxil olmaq planı ilə əsla barımayacaq;

3) Nəticə

- tərəflər əsas məsələdə razılaşmadılar;

- ABŞ Ukraynanın NATO-ya üzv olması məsələsində israr edir, Rusiya isə şiddətlə bu plana qarşı çıxır;

- ABŞ və Rusiya razılaşdılar ki, danışıqlar davam etsin;

- birgə komissiya yaradılsın, vəziyyət diqqətlə izlənilsin, tərəflər bir-birini məlumatlandırsın;

- məsələnin diplomatik yolla həlli imkanları artırılsın;

- hansı tərəf risk edər desəniz, Rusiya deyərəm. Belə ki, Ukrayna problemi Rusiya üçün həlledici məsələdir; 

- Ukrayna əsla Rusiya ilə savaşa girməməlidir, ABŞ və Avropaya deməlidir ki, səmimi isəniz, Ukraynanı NATO-ya qəbul edin;

Paralel.az