Paralel.az xəbər verir ki, Bakının Suraxanı rayonunda yerləşən 282 nömrəli məktəbdə şagirdin sinifdə qeyri-etik hərəkətlər etməsi, digər şagirdlərə zor tətbiq etməsilə bağlı məlumatlar yayılıb. Bu gün isə sosial şəbəkələrdə yayılan video görüntülərdə anasının da məktəbə gəlib müəllimlərə hücum etməsini görmək mümkündür.

Məktəbin 7-ci sinfində təhsil alan şagird sinifdə şalvarını çıxarır, qızları küçə söyüşləri ilə təhqir edir, müəllimləri söyür, məktəbə bıçaq gətirib hamını hədələyir. Valideynlər polisə müraciət etsələr də, anası məktəbə hücum çəkir, polisi də söyüb təhqir edir. Müəllimlərin sözlərinə görə, şagirdin anası da psixoloji cəhətdən qüsurludur. 

DİN yayılan iddiaların yoxlanılması məqsədilə araşdırmalar aparır.
A. Nəsirli